"Челси" клуби ва Англия терма жамоасининг собиқ яримҳимоячиси Фрэнк Лэмпард 38 ёшида фаолиятини тугатишини расман эълон қилди.
Фрэнк Лэмпард уч марта Англия чемпиони, тўрт марта мамлакат кубоги ва бир марта чемпионлар лигаси ғолиби бўлган. У "Челси"нинг барча даврлардаги энг яхши тўпурари - 648та ўйинда 211 та гол. Англия терма жамоасида 106 ўйин ўтказиб, 29та гол урган.
"Унутилмас 21 йилдан сўнг, ҳозир профессионал фаолиятимни якунлаш учун энг қулай вақт эканига қарор қилдим. Менда Англиядан ва чет лдан бир нечта таклифлар бўлди, аммо мен ҳаётимда янги босқични бошлашга қарор қилдим.
Мен ўйнаган жамоаларга раҳмат. Биринчидан, дебют қилган клубим - "Вест Ҳэм"га. Ундан сўнгяқинда тўп сурган клубларим "Манчестер Сити" ва "Нью-Йорк Сити"га. Албатта, юрагимнинг катта қисми "Челси"га тегишли. "Челси"да 13 йил бирга ишлаган ҳар бир-кишига бирма-бир раҳмат айтиб чиқишнинг иложи йўқ.
Мураббийлик лицензия олишимда ёрдам берганим учун FA га раҳмат. Бу ишда ишлашни сабрсизлик билан кутаман", - деб ёзади Лэмпард Инстаграм тармоғига.
