"Chelsi" klubi va Angliya terma jamoasining sobiq yarimhimoyachisi Frenk Lempard 38 yoshida faoliyatini tugatishini rasman e’lon qildi.
Frenk Lempard uch marta Angliya chempioni, to‘rt marta mamlakat kubogi va bir marta chempionlar ligasi g‘olibi bo‘lgan. U "Chelsi"ning barcha davrlardagi eng yaxshi to‘purari - 648ta o‘yinda 211 ta gol. Angliya terma jamoasida 106 o‘yin o‘tkazib, 29ta gol urgan.
"Unutilmas 21 yildan so‘ng, hozir professional faoliyatimni yakunlash uchun eng qulay vaqt ekaniga qaror qildim. Menda Angliyadan va chet ldan bir nechta takliflar bo‘ldi, ammo men hayotimda yangi bosqichni boshlashga qaror qildim.
Men o‘ynagan jamoalarga rahmat. Birinchidan, debyut qilgan klubim - "Vest Hem"ga. Undan so‘ngyaqinda to‘p surgan klublarim "Manchester Siti" va "Nyu-York Siti"ga. Albatta, yuragimning katta qismi "Chelsi"ga tegishli. "Chelsi"da 13 yil birga ishlagan har bir-kishiga birma-bir rahmat aytib chiqishning iloji yo‘q.
Murabbiylik lisenziya olishimda yordam berganim uchun FA ga rahmat. Bu ishda ishlashni sabrsizlik bilan kutaman", - deb yozadi Lempard Instagram tarmog‘iga.
