21 сентябр куни «Ницца» ўз уйида «Монако»ни қабул қилган ва йирик 4-0 ҳисобида ғалаба қозонган эди. Икки жамоа бугун мавсумдаги иккинчи мовий қирғоқ дербисини ўтказади. 1-даврани 1-ўринда якунлаган “Ницца” ҳозирда “Монако” билан бир хил очко тўплаган ҳолда карвонбошиликни ушлаб турибди. 3 очко кам жамғарган парижликлар бундай вазиятдан албатта фойдаланиб қолиши мумкин. Хўш, мавсумнинг иккинчи дербисигача жамоаларда нималар ўзгарди? Келинг, танишиб чиқсак…
Жардим ғалаба формуласини топди
Биринчи дербида «Ницца» майдонида, монаколиклар бош мураббийи Леонардо Жардим 4-2-3-1 тактик схемасини қўллаган эди. Ўйин сўнггида 4-0 ҳисобидаги мағлубият эса Жардимнинг ҳали қилиши керак бўлган ишларни кўрсатиб берган эди. Ўша учрашувда жамоанинг еткачиси Радамел Фалкао энди энди ўз ўйинини топиб бораётган эди. Ҳатто кичик жароҳат олиб майдонни 45-дақиқадаёқ тарк этган эди. Валер Жермен эса жокер ўрнида қўлланар, жамоанинг бутун ўйини эса Моутинёнинг кайфиятига боғлиқ эди. Ўша ўйиндан сўнг «Монако»да кўп нарсалар ўзгарди. 4-4-2 ўйин схемасига ўтган монаколиклар анча ҳужумкор ва барқарор ўйин намойиш этмоқда.
Балотелли ортиқ супер-қаҳрамон эмас
Мавсум бошида “Ницца”га келиб қўшилган “Супер Марио” жамоасининг юлдузи бўлиш учун яхши тарафдан ўзини кўрсата бошлади. Чемпионатнинг илк уч ўйинида бешта гол уриб барчани ҳайратга солди. Бироқ, октябр ойидан кейин италиялик ҳужумчининг ишлари кўнгилдагидек кетмади. Жароҳатлар, ўйиндан четлатишлар футболчининг ўйинига таъсир қилди. Ундан сўнг Марио 8 учрашувда бор-йўғи 4 та гол ура олди.
«Ницца» ортиқ ҳайратда қолдирмаяпти
“Ницца” жамоаси ушбу мавсумни кўтаринки кайфиятда бошлади. 1-даврани эса мутлақ етакчи сифатида тугатди. Иккинчи даврада эса яқин таъқибчилари «ПСЖ» ва «Монако»лар таркибларини ва ўйинларини анча кучайтириб олдилар. Мавсум бошида жамоани Бен Арфа, Жермейн, Менди, Пе каби бир қатор етакчи фуболчилар тарк этганига қарамай, жамоа устози Люсен Фавр рақобатдош жамоа шакллантира олди. Бугун бўлиб ўтадиган дербига эса жамоалар анча кучли тайёргарлик билан етиб келишди.
