“Ал-Фатҳ” – “Насаф” учрашуви олдидан ташкил этилган матбуот анжуманининг дастлабки қисмида “Ал-Фатҳ” жамоаси бош мураббийи Фатҳи Ал Жабал билан бирга жамоанинг 22-рақамдаги дарвозабони Абдуллоҳ Аловайширлар иштирок этишди.

Улар матбуот анжуманига ташриф буюрган ОАВ вакилларига бўлажак учрашув ҳақидаги фикрларини билдириб ўтишди.

-Биз эртага бўладиган ўйинга яхши тайёргарлик кўрдик, учрашувда майдонга тушиши керак бўлган таркибимизни аниқлаб, уларни ҳар томонлама ўйинга тайёрладик. Бизнинг мақсадимиз эртага ғалаба қозониб, мухлисларимизни бизга бўлган ишончини оқлаш. Олдимизга қандай вазифа қўйилган ва рақибни қандай ўргандик? Мақсадимиз, эртага бўладиган ўйинда ғалаба қозониб, ОЧЛ гуруҳ босқичига чиқиш. Биз ОЧЛ гуруҳ босқичида ҳам яхшии ўйин кўрсатиб, узоқроққа бориш ниятидамиз. “Насаф” жамоасини ҳар томонлама ўрганиб чиқдик, жамоа ОЧЛ мусобақаларида катта тажриба тўплаган. Шундай бўлсада биз ўз майдонимизда – мухлисларимиз кўз ўнгида ўйнаймиз. Ўйлайманки, бизга бу қўшимча куч бағишлайди, - дейди Фатҳи Ал Жабал.

- Биз эртанги ўйинга яхши тайёргарлик кўрдик, ўйинга тайёрмиз. Мақсадимиз ғалаба қозониб, мухлисларимизни хурсанд қилиш, - дейди Абдуллоҳ Аловайшир.