“Al-Fath” – “Nasaf” uchrashuvi oldidan tashkil etilgan matbuot anjumanining dastlabki qismida “Al-Fath” jamoasi bosh murabbiyi Fathi Al Jabal bilan birga jamoaning 22-raqamdagi darvozaboni Abdulloh Alovayshirlar ishtirok etishdi.

Ular matbuot anjumaniga tashrif buyurgan OAV vakillariga bo‘lajak uchrashuv haqidagi fikrlarini bildirib o‘tishdi.

-Biz ertaga bo‘ladigan o‘yinga yaxshi tayyorgarlik ko‘rdik, uchrashuvda maydonga tushishi kerak bo‘lgan tarkibimizni aniqlab, ularni har tomonlama o‘yinga tayyorladik. Bizning maqsadimiz ertaga g‘alaba qozonib, muxlislarimizni bizga bo‘lgan ishonchini oqlash. Oldimizga qanday vazifa qo‘yilgan va raqibni qanday o‘rgandik? Maqsadimiz, ertaga bo‘ladigan o‘yinda g‘alaba qozonib, OCHL guruh bosqichiga chiqish. Biz OCHL guruh bosqichida ham yaxshii o‘yin ko‘rsatib, uzoqroqqa borish niyatidamiz. “Nasaf” jamoasini har tomonlama o‘rganib chiqdik, jamoa OCHL musobaqalarida katta tajriba to‘plagan. Shunday bo‘lsada biz o‘z maydonimizda – muxlislarimiz ko‘z o‘ngida o‘ynaymiz. O‘ylaymanki, bizga bu qo‘shimcha kuch bag‘ishlaydi, - deydi Fathi Al Jabal.

- Biz ertangi o‘yinga yaxshi tayyorgarlik ko‘rdik, o‘yinga tayyormiz. Maqsadimiz g‘alaba qozonib, muxlislarimizni xursand qilish, - deydi Abdulloh Alovayshir.