«Барселона» Испания кубоги финалида «Алаевс» клубига қарши ўйнайди.
Don Balon хабарига кўра, Каталония клуби финал баҳсини «Сантьяго Бернабеу» стадионида ўтказишни хоҳламоқда.
«Блаугранас» Мадриддаги аренани юқори савиядаги ўйинни ўтказиш учун мос деб ҳисобламоқда. Аммо, асосий сабаб - ашаддий рақибининг майдонида кубокни қўлга киритиб, мақтаниш имкониятига эга бўлиш.
Аммо финални «Сантьяго Бернабеу»да ўтказишнинг деярли иложи йўқ. «Барселона» аввалги йилларда ҳам бу таклифни берганида, «Реал» ҳар доим рад қилиб келган.