Галатасарой» футбол клуби бош мураббийи Ян Олде Рикеринк жамоанинг қониқарсиз натижалари туфайли ўз лавозимидан озод этилди, деб хабар бермоқда CNN.

Манба маълумотига кўра, 53 ёшли голландиялик мутахассис билан хайрлашиш ҳақидаги қарор «Галатасарой» директорлар кенгаши томонидан қабул қилинган. Рикеринкнинг ишдан кетиши ҳақида бугун расман эълон қилинади.

Маълумот учун, Рикеринк «Галатасарой»га 2016 йилнинг мартида бош мураббий этиб тайинланиб, Туркия чемпионатида олтинчи ўринни қўлга киритди ҳамда мамлакат кубоги баҳсларида зафар қучди. «Галатасарой» Туркия суперлигасининг жорий мавсумида турнир жадвалининг учинчи ўрнида бормоқда ҳамда етакчи «Бешиктош»дан беш очкога ортда қолмоқда.