Galatasaroy» futbol klubi bosh murabbiyi Yan Olde Rikerink jamoaning qoniqarsiz natijalari tufayli o‘z lavozimidan ozod etildi, deb xabar bermoqda CNN.

Manba ma’lumotiga ko‘ra, 53 yoshli gollandiyalik mutaxassis bilan xayrlashish haqidagi qaror «Galatasaroy» direktorlar kengashi tomonidan qabul qilingan. Rikerinkning ishdan ketishi haqida bugun rasman e’lon qilinadi.

Ma’lumot uchun, Rikerink «Galatasaroy»ga 2016 yilning martida bosh murabbiy etib tayinlanib, Turkiya chempionatida oltinchi o‘rinni qo‘lga kiritdi hamda mamlakat kubogi bahslarida zafar quchdi. «Galatasaroy» Turkiya superligasining joriy mavsumida turnir jadvalining uchinchi o‘rnida bormoqda hamda yetakchi «Beshiktosh»dan besh ochkoga ortda qolmoqda.