«Лестер» бош мураббийи Клаудио Раньери, Англия кубогининг нимчоракфиналида «Миллуолл» (0:1) клубидан учралган мағлубиятга изоҳ берди.

«Ўтган мавсумда кучли иштиёқ ва дадиллик туфайли жуда кўп рақибларни мағлуб этгандик. Ҳар бир ўйинда охиригача курашдик. Мана шу сифатларни футболчиларимда кўришни истайман.

«Миллуолл»дан учралган мағлубият бизга фойда келтириши мумкин. У ирода ва кайфиятнинг қанчалик муҳим эканини исботламоқда.

Футболчиларим билан жиддий суҳбатлашиб оламан. «Лестер»да менга аскарлар, гладиаторлар керак. «Миллуол» 10 футболчи бўлиб ғалаба қозонди, чунки гладиаторлар каби ўйнади» - деди Раньери Sky Sports хабарида.