Тошкентнинг “Бунёдкор” жамоаси “Қирол Абдуллоҳ спорт сити” стадионидаги расмий машғулотини ўтказди.

Ўз бағрига 61 мингдан зиёд мухлисни сиғдира оладиган стадиондаги машғулот жараёни бир соатдан бироз ортиқроқ давом этди. Унда жамоамиз билан Жидда шаҳрига келган барча футболчи тўлиқ куч билан иштирок этди.

Стадион майсаларига гап бўлиши мумкин эмас.

Эслатиб ўтамиз, Осиё Чемпионлар лигаси, гуруҳ босқичи, 1-тури доирасидаги “Ал-Аҳли” – “Бунёдкор” учрашуви 21 февраль, сешанба куни маҳаллий вақт билан 20:15да (Тошкентда 22:15 бўлади) бошланади.