Toshkentning “Bunyodkor” jamoasi “Qirol Abdulloh sport siti” stadionidagi rasmiy mashg‘ulotini o‘tkazdi.
O‘z bag‘riga 61 mingdan ziyod muxlisni sig‘dira oladigan stadiondagi mashg‘ulot jarayoni bir soatdan biroz ortiqroq davom etdi. Unda jamoamiz bilan Jidda shahriga kelgan barcha futbolchi to‘liq kuch bilan ishtirok etdi.
Stadion maysalariga gap bo‘lishi mumkin emas.
Eslatib o‘tamiz, Osiyo Chempionlar ligasi, guruh bosqichi, 1-turi doirasidagi “Al-Ahli” – “Bunyodkor” uchrashuvi 21 fevral, seshanba kuni mahalliy vaqt bilan 20:15da (Toshkentda 22:15 bo‘ladi) boshlanadi.
