«Милан» ҳужумчиси Карлос Бакка Хитой клубидан олган таклифга рад жавобини берган.
Football Italia хабарига кўра, 30 ёшли футболчи Колумбия терма жамоаси таркибида ЖЧ-2018да иштирок этишни режалаштирмоқда ва шу сабабли Хитойга кетишни истамаган. Бакка кучсизроқ чемпионатга ўтса, терма жамоага чақирилмай қолишидан чўчиган.
Аввалроқ, Бакка билан «Тяньцзинь Цюаньцзянь», «Гуанчжоу Эвергранд» ва «Шанхай Шеньхуа» клублари қизиққани ҳақида хабарлар чиққан эди.
Жорий мавсумда у Италия чемпионатининг 21 ўйинида майдонга тушиб, 8та гол урган ва 2та голга ҳаммуаллифлик қилган.
