Профессионал бокс бўйича таниқли боксчи Менни Пакьяонинг кейинги рақиби маълум бўлди.

Филиппинлик спортчининг жамоадошлари Буюк Британиялик яна бир номдор бўлган боксчи Амир Хоннинг жамаоси билан келишувга эришишди.

Жанг 23 апрел санасида ўтказилиши ҳақида айтилмоқда. Бироқ уни қайси давлатда бўлиши эса ҳозирча номаълум.

Пакьяонинг ўзи келгуси жангини БААда ўтказиш истагида эканлигини инобатга олсак, у Осиё қитъасида ўтказилиш эҳтимоли бор. 2016 йил 5 ноябрда Жесси Варгас билан бўлган жангдаги ғалабасидан сўнг 38 ёшли боксчи матбуотда қилган чиқишида шундай интервью берган эди.

Баъзи маълумотларга кўра, Амир Хон мазкур жангни ўз юртида, Болтон ёки Манчестерда ўтказиш истагида эканлиги ҳам айтилмоқда. Бироқ 23 апрел якшанба эканлгини инобатга олсак, бу куни Англияда футбол учрашувлари ўтказилади ва бундай вазият жангга бўлган эътиборга таъсир ўтказиши мумкин.

Такидлаб ўтиш керак, Менни Пакьяо феврал ойида ўз муҳлислари орасида навбатдаги рақибни танлаш учун ўтказган сўровномасида Хон 48 фоиз овоз тўплаб ғолиб бўлган эди. Иккинчи ўринни эса Келл Брук 24 фоиз овоз билан эгаллаган.

Эстлатиб ўтамиз, филиппинлик боксчи ўтган йилнинг баҳорида ўз фаолиятини якунлаганини маълум қилган эди, бироқ ёзда у яна жангларга қайтганини расман эълон қилган. Ҳозирда унинг ҳисобида 59та ғалаба (38 нокаут), 6та мағлубият ва 2та дуранг бор.

Амир Хон эса 31 маротаба ғалаба қозониб (19 нокаут) 4 марта мағлубиятга учраган.