Professional boks bo‘yicha taniqli bokschi Menni Pakyaoning keyingi raqibi ma’lum bo‘ldi.

Filippinlik sportchining jamoadoshlari Buyuk Britaniyalik yana bir nomdor bo‘lgan bokschi Amir Xonning jamaosi bilan kelishuvga erishishdi.

Jang 23 aprel sanasida o‘tkazilishi haqida aytilmoqda. Biroq uni qaysi davlatda bo‘lishi esa hozircha noma’lum.

Pakyaoning o‘zi kelgusi jangini BAAda o‘tkazish istagida ekanligini inobatga olsak, u Osiyo qit’asida o‘tkazilish ehtimoli bor. 2016 yil 5 noyabrda Jessi Vargas bilan bo‘lgan jangdagi g‘alabasidan so‘ng 38 yoshli bokschi matbuotda qilgan chiqishida shunday intervyu bergan edi.

Ba’zi ma’lumotlarga ko‘ra, Amir Xon mazkur jangni o‘z yurtida, Bolton yoki Manchesterda o‘tkazish istagida ekanligi ham aytilmoqda. Biroq 23 aprel yakshanba ekanlgini inobatga olsak, bu kuni Angliyada futbol uchrashuvlari o‘tkaziladi va bunday vaziyat jangga bo‘lgan e’tiborga ta’sir o‘tkazishi mumkin.

Takidlab o‘tish kerak, Menni Pakyao fevral oyida o‘z muhlislari orasida navbatdagi raqibni tanlash uchun o‘tkazgan so‘rovnomasida Xon 48 foiz ovoz to‘plab g‘olib bo‘lgan edi. Ikkinchi o‘rinni esa Kell Bruk 24 foiz ovoz bilan egallagan.

Estlatib o‘tamiz, filippinlik bokschi o‘tgan yilning bahorida o‘z faoliyatini yakunlaganini ma’lum qilgan edi, biroq yozda u yana janglarga qaytganini rasman e’lon qilgan. Hozirda uning hisobida 59ta g‘alaba (38 nokaut), 6ta mag‘lubiyat va 2ta durang bor.

Amir Xon esa 31 marotaba g‘alaba qozonib (19 nokaut) 4 marta mag‘lubiyatga uchragan.