Аргентина ҳукумати мамлакат футбол ассоциациясига (AFA) молиявий ёрдам кўрсатди.
Ҳукумат мамлакат футбол клублари ўйинчиларининг иш ташлашларига чек қўйиш учун AFA ҳисоб рақамига 22,7 млн доллар ўтказиб берди, дея хабар беради ESPN FC.
Аргентинада футбол мавсуми 5 февраль куни бошланиши керак эди, аммо футболчилар касаба уюшмаси кўпгина клубларнинг молиявий муаммолари туфайли иш ташлаш эълон қилган эди. Иш ташлашга чек қўйиш учун Аргентина ҳукумати ажратган маблағ клубларга тақсимланади, клублар эса футболчиларнинг маошларида юзага келган қарздорликни тўлайдилар. Мавсум 3 март куни бошланиши кутилмоқда.
