"ПСЖ" бош мураббийи Унаи Эмери ЕЧЛ 1/8 финалининг жавоб учрашувида "Барселона"дан учралган мағлубият (1:6) сабабларини келтирди.
"Бўлиб ўтган воқеаларни таҳлил қилиб, шуни айтишими мумкинки, биз қойилмақом имкониятни қўлдан чиқардик. Биринчи бўлимда юз берган воқеаларга ўзимиз айбдормиз, биз прессинг қила олмадик ва тўп билан муомала қила олмадик. Биз жуда кўп ҳимояландик, рақибда голли вазиятлар кўп бўлди. Биринчи бўлимда киритилган ҳар икки гол - ўзимизнинг айбимиз.
Иккинчи бўлимда хотиржамроқ ҳаракат қилдик, яхши позицион ўйин кўрсатдик. Кучайдик ва ҳисобни 2:3 қилишимиз мумкин эди. Ҳакам қарорлари бизга қарши бўлди ва биз ҳаммасини охирги дақиқаларда бой бердик. "Барселона" бунга қодир. Ўйин охири улар учун "ҳамма нарса ёки ҳеч нарса" тарзида кечди. Мен ва клуб учун бу салбий тажриба. Биз бундан сабоқ чиқаришимиз керак", - дейди Эмери.
