«Бавария» яримҳимоячиси Хаби Алонсо фаолиятини якунлашини эълон қилди.
«Бу мен учун енгил қарор бўлмади. Менимча ҳозир шундай қарорга келиш учун жуда қулай фурсат.Фаолиятни кеч эмас ўз вақтида якунлаш мен учун яхшироқ. Мен ҳозир ҳам ўзимни яхши ҳис қилмоқдаман, бироқ вақт келди.
Мен фаолиятимни энг юқори нуқтада якунламоқчиман. "Бавария" ҳозирда айнан шундай даражада. Мен "Бавария" сафида эканлигимдан ҳурсандман ва бу оиланинг бир аъзоси эканимдан фахрланаман» - дейди Хаби Алонсо.
Алонсо "Бавария" сафида 2014-йилдан буён ҳаракат қилиб келади. Бироз аввал у "Реал Соседад" (1999, 2001-2004), "Эйбар" (2000), "Ливерпул"(2004-2009) ва "Реал" (2009-2014) жамоаларида ҳам тўп тепган.
У икки марта Чемпионлар лигасида, бир марта УЕФА суперкубогида ғалаба қозонган. Шунингдек, Англия Кубоги, Англия Суперкубоги, Испания чемпионати ғолиби, Испания Кубоги соҳиби, Испания Суперкубоги, Германия чемпиони, Германия Кубоги ва Германия Суперкубоги соҳиби ҳам ҳисобланади.
Испания термаси сафида эса у 2010 йилда жаҳон чемпиони ва икки карра Европа чемпиони бўлган.
