«Bavariya» yarimhimoyachisi Xabi Alonso faoliyatini yakunlashini e’lon qildi.

«Bu men uchun yengil qaror bo‘lmadi. Menimcha hozir shunday qarorga kelish uchun juda qulay fursat.Faoliyatni kech emas o‘z vaqtida yakunlash men uchun yaxshiroq. Men hozir ham o‘zimni yaxshi his qilmoqdaman, biroq vaqt keldi.

Men faoliyatimni eng yuqori nuqtada yakunlamoqchiman. "Bavariya" hozirda aynan shunday darajada. Men "Bavariya" safida ekanligimdan hursandman va bu oilaning bir a’zosi ekanimdan faxrlanaman» - deydi Xabi Alonso.

Alonso "Bavariya" safida 2014-yildan buyon harakat qilib keladi. Biroz avval u "Real Sosedad" (1999, 2001-2004), "Eybar" (2000), "Liverpul"(2004-2009) va "Real" (2009-2014) jamoalarida ham to‘p tepgan.

U ikki marta Chempionlar ligasida, bir marta UYEFA superkubogida g‘alaba qozongan. Shuningdek, Angliya Kubogi, Angliya Superkubogi, Ispaniya chempionati g‘olibi, Ispaniya Kubogi sohibi, Ispaniya Superkubogi, Germaniya chempioni, Germaniya Kubogi va Germaniya Superkubogi sohibi ham hisoblanadi.

Ispaniya termasi safida esa u 2010 yilda jahon chempioni va ikki karra Yevropa chempioni bo‘lgan.