Беларус Футбол Уйида мамлакатнинг олий, биринчи ва иккинчи лига вакиллари вакиллари билан мамлакат тергов қўмитаси ходимлари ўртасида учрашув бўлиб ўтди.

Учрашув давомида футбол корчалонлари ва ходимларига федерацияга келиб тушган футболдаги қинғир ишлар таништирилди. Ҳуқуқ посбонлари сўзларига кўра, ҳар бир воқеа юзасидан олиб борилган ишлар ниҳоясига етган. Ҳозирда ҳужжатлар судга берилиши арафасида турибди.

Фактлар базаси бир ярим йилда йиғилган ва олий ҳамда биринчи лиганинг бешта ўйинини ўз ичига олган. Аниқланишича, бир неча клуб вакиллари футбол учрашувларининг натижасига таъсир қилганлар. Тергов қўмитаси қонун бузилишига алоқадорликда 26 кишини номини келтирди. Улар орасида беларус клубларининг профессионал футбол-инструкторлари, мураббийлар ва маъмурлар, шунингдек, битта собиқ ҳакам бор.

– Илья Гаврилов («Гранит»);

– Владимир Маковский, Александр Лебедев, Александр Тишкевич, Андрей Порываев, Александр Папуш, Юрий Рыжко, Александр Алумона, Иван Денисевич, Дмитрий Макар (ҳаммаси - "Ислочь");

– Виталий Желудок, Вячеслав Палазник, Алексей Сакович, Егор Гудель, Денис Жбанков (ҳаммаси - «Ошмяни-БГУФК»);

– Юрий Сироквашко, Сергей Шуманов, Игорь Журавлев, Андрей Напорко, Денис Медведев, Александр Тарликовский, Дмитрий Карповский (ҳаммаси – «Луч»);

– Сергей Крот (ҳозирда "Сморгони" ўйинчиси);

– Станислав Савицкий (собиқ футбол ҳаками).

Тергов қўмитаси Беларус футбол федерациясига клуб раҳбариятлари билан учрашув ташкил қилиб, келажакда бундай воқеаларнинг олдини олиш учун тушунтириш ишлари олиб боришни маслаҳат берди.