Belarus Futbol Uyida mamlakatning oliy, birinchi va ikkinchi liga vakillari vakillari bilan mamlakat tergov qo‘mitasi xodimlari o‘rtasida uchrashuv bo‘lib o‘tdi.

Uchrashuv davomida futbol korchalonlari va xodimlariga federasiyaga kelib tushgan futboldagi qing‘ir ishlar tanishtirildi. Huquq posbonlari so‘zlariga ko‘ra, har bir voqea yuzasidan olib borilgan ishlar nihoyasiga yetgan. Hozirda hujjatlar sudga berilishi arafasida turibdi.

Faktlar bazasi bir yarim yilda yig‘ilgan va oliy hamda birinchi liganing beshta o‘yinini o‘z ichiga olgan. Aniqlanishicha, bir necha klub vakillari futbol uchrashuvlarining natijasiga ta’sir qilganlar. Tergov qo‘mitasi qonun buzilishiga aloqadorlikda 26 kishini nomini keltirdi. Ular orasida belarus klublarining professional futbol-instruktorlari, murabbiylar va ma’murlar, shuningdek, bitta sobiq hakam bor.

– Ilya Gavrilov («Granit»);

– Vladimir Makovskiy, Aleksandr Lebedev, Aleksandr Tishkevich, Andrey Porivayev, Aleksandr Papush, Yuriy Rijko, Aleksandr Alumona, Ivan Denisevich, Dmitriy Makar (hammasi - "Isloch");

– Vitaliy Jeludok, Vyacheslav Palaznik, Aleksey Sakovich, Yegor Gudel, Denis Jbankov (hammasi - «Oshmyani-BGUFK»);

– Yuriy Sirokvashko, Sergey Shumanov, Igor Juravlev, Andrey Naporko, Denis Medvedev, Aleksandr Tarlikovskiy, Dmitriy Karpovskiy (hammasi – «Luch»);

– Sergey Krot (hozirda "Smorgoni" o‘yinchisi);

– Stanislav Saviskiy (sobiq futbol hakami).

Tergov qo‘mitasi Belarus futbol federasiyasiga klub rahbariyatlari bilan uchrashuv tashkil qilib, kelajakda bunday voqealarning oldini olish uchun tushuntirish ishlari olib borishni maslahat berdi.