Москванинг “ЦСКА” жамоаси дарвозабони Игор Акинфеев Россия чемпионатининг 19-туридан ўрин олган “Томь” клубига қарши баҳсда ўз дарвозаси дахлсизлигини сақлаб қолди ва Россия чемпионатида «қуруқ» ўйинлар сони бўйича рекорд ўрнатди.
Янги бош мураббий Виктор Гончаренко бошчилигида илк ўйинни ўтказган пойтахтликлар ўйин давомида катта устунликка эга бўлишди ва 4:0 ҳисобида зафар қучишди.
Мазкур ўйинда “ЦСКА” дарвозасини қўриқлаган Игор Акинфеев эса афсонафий дарвозабон Лев Яшининг рекордини янгилади.
1963 йилда “Олтин тўп” соҳиби бўлган Лев Яшин “Динамо” клуби сафида 160та қуруқ ўйин ўтказган эди.
30 ёшли Акинфеевнинг мазкур ўйиндан кейин «қуруқ» ўйинлари сони 161тага етди.
