“Мидлсбро” клуби расмий сайти хабарига кўра, клуб раҳбарияти испаниялик мураббий Айтор Каранакани ўз вазифасидан озод қилди.

2010 – 2013 йиллар давомида Мадриднинг “Реал” жамоасида мураббий ёрдамчиси сифатида фаолият юритган Каранка, 2013 йилнинг 13 ноябрида Англиянинг “Мидлсбро” жамоаси билан 4 йиллик шартномага имзо қўйган эди.

«Мен “Мидлсбро” жамоасига шундай имконият яратиб бергани учун ўз миннатдорчилигимни билдираман. Футболчилар, жамоадаги ҳамкасбларим ва клубнинг барча аъзоларига ташаккур айтаман. “Мидлсбро”га келажакда фақат ва фақат омад тилаб қоламан” – деди Каранка.

Эндиликда унинг ёрдамчиси Стив Ангю жамоани вақтинча бошқариб туради.