“Midlsbro” klubi rasmiy sayti xabariga ko‘ra, klub rahbariyati ispaniyalik murabbiy Aytor Karanakani o‘z vazifasidan ozod qildi.

2010 – 2013 yillar davomida Madridning “Real” jamoasida murabbiy yordamchisi sifatida faoliyat yuritgan Karanka, 2013 yilning 13 noyabrida Angliyaning “Midlsbro” jamoasi bilan 4 yillik shartnomaga imzo qo‘ygan edi.

«Men “Midlsbro” jamoasiga shunday imkoniyat yaratib bergani uchun o‘z minnatdorchiligimni bildiraman. Futbolchilar, jamoadagi hamkasblarim va klubning barcha a’zolariga tashakkur aytaman. “Midlsbro”ga kelajakda faqat va faqat omad tilab qolaman” – dedi Karanka.

Endilikda uning yordamchisi Stiv Angyu jamoani vaqtincha boshqarib turadi.