«Ювентус» вице-президенти Павел Недвед Чемпионлар лигаси чоракфиналида «Барселона» билан тўқнаш келганига изоҳ берди.
«Бизни дунёнинг таниқли жамоаси бўлмиш «Барселона»га қарши ажойиб ўйинлар кутмоқда. Биз кучли жамоамиз ва «Барса» билан рақобатлаша оламиз. «Ювентус» 2015 йил финалида «Барселона»га ютқазганди, аммо ҳозирда янада яхшироқ ўйнамоқда. Биз рақибдан чўчимасдан ўйнаймиз.
Дастлабки ўйинни ўз майдонимизда ўтказишимиз жуда ҳам катта аҳамиятга эга эмас. Жамоа 180 дақиқа давомида энг юқори савияда тўп суришга тайёр туриши лозим» - деди Недвед.
