18 март куни Тошкентда WSB турнири доирасида бокс оқшоми бўлиб ўтади.
Бугун Ўзбекистоннинг “Uzbek Tigers” ҳамда Хитойнинг “China Dragons” клуби боксчилари ўртасида кечадиган жанглар олдидан матбуот анжумани бўлиб ўтди. 5 та вазн тоифасида бўли ўтадиган жанглар қуйидагича кўриниш олди.
- 52 кг: Аброржон Қодиров - Чан Юн
- 60 кг: Муроджон Аҳмадалиев - Ван Сен
- 69 кг: Шаҳрам Ғиёсов - Лю Вей
- 81 кг: Бектемир Мелиқўзиев - Хуан Сзябин
+ 91 кг: Баҳодир Жалолов - Му Хайпен
Табдирнинг иккинчи қисмида вазн ўлчаш маъросими бўлиб ўтди. Олдиндаги жанг иштирокчиларининг барчаси ўзаро юзма-юз келишди. Шуни таъкидлаш керак, “Uzbek Tigers” жамоаси учун олдиндаги жангларнинг аҳамияти жуда юқори. Турнирнинг биринчи даврасида Хитойда ўтган баҳсларда вакилларимиз 3:2 ҳисобида мағлубиятга учраган эдилар. Эндиликда, асоасан “Рио 2016” Олимпия ўйинлари қаҳрамонларидан ташкил топган таркиб билан, “Uzbek Tigers”да мазкур мағлубият учун “China Dragons”дан реванш олиш имкони бор.
Яна бир бор эслатиб ўтамиз, “Uzbek Tigers” ҳамда “China Dragons” жамоалари ўртасидаги “Ўзбекистон” спорт мажмуасида бўлиб ўтадиган жанглар 18 март куни 18:30да бошланади.
