18 mart kuni Toshkentda WSB turniri doirasida boks oqshomi bo‘lib o‘tadi.
Bugun O‘zbekistonning “Uzbek Tigers” hamda Xitoyning “China Dragons” klubi bokschilari o‘rtasida kechadigan janglar oldidan matbuot anjumani bo‘lib o‘tdi. 5 ta vazn toifasida bo‘li o‘tadigan janglar quyidagicha ko‘rinish oldi.
- 52 kg: Abrorjon Qodirov - Chan Yun
- 60 kg: Murodjon Ahmadaliyev - Van Sen
- 69 kg: Shahram G‘iyosov - Lyu Vey
- 81 kg: Bektemir Meliqo‘ziyev - Xuan Szyabin
+ 91 kg: Bahodir Jalolov - Mu Xaypen
Tabdirning ikkinchi qismida vazn o‘lchash ma’rosimi bo‘lib o‘tdi. Oldindagi jang ishtirokchilarining barchasi o‘zaro yuzma-yuz kelishdi. Shuni ta’kidlash kerak, “Uzbek Tigers” jamoasi uchun oldindagi janglarning ahamiyati juda yuqori. Turnirning birinchi davrasida Xitoyda o‘tgan bahslarda vakillarimiz 3:2 hisobida mag‘lubiyatga uchragan edilar. Endilikda, asoasan “Rio 2016” Olimpiya o‘yinlari qahramonlaridan tashkil topgan tarkib bilan, “Uzbek Tigers”da mazkur mag‘lubiyat uchun “China Dragons”dan revansh olish imkoni bor.
Yana bir bor eslatib o‘tamiz, “Uzbek Tigers” hamda “China Dragons” jamoalari o‘rtasidagi “O‘zbekiston” sport majmuasida bo‘lib o‘tadigan janglar 18 mart kuni 18:30da boshlanadi.
