Ўзбекистон миллий терма жамоаси 23 март куни Сурияга қарши ЖЧ-2018 саралаш баҳсини ўтказишидан хабарингиз бор. Учрашув Малайзияда бўлиб ўтади.

Мазкур беллашув Малайзиянинг Серембан шаҳридаги Tuanku Abdul Rahman Stadium стадионида бўлиб ўтиши режалаштирилганди. Бироқ, стадион ўйинга тайёр бўлмагани учун Сурия ва Ўзбекистон баҳси Малакка шаҳридаги 40 минг мухлисга мўлжалланган Hang Jebat Stadium майдонига кўчирилди.

Хўш, ўйин бўладиган куни Малакка шаҳрида қандай об-ҳаво бўлиши кутилмоқда? Маълумотларга қараганда, пайшанба куни ушбу шаҳарда кучли ёмғир ёғиши тахмин қилинмоқда. Ўйин бошланадиган пайт — маҳаллий вақт билан 20:00га келиб ёмғирнинг темпи пасайиши ва ўйин давомида тўхташи кутилмоқда.

Учрашув пайтида ҳаво ҳарорати 27-28 даража атрофида иссиқ бўлади. Ҳавонинг нисбий намлиги 75-80 фоизни ташкил қилади.

Эслатиб ўтамиз, Сурия ва Ўзбекистон ўртасидаги ўйин Тошкент вақти билан 17:00да бошланади. Терма жамаомиз маҳаллий шароитга мослашиш мақсадида ўйиндан 4 кун олдин Малайзияга етиб бориб, у ерда машғулотларни олиб бормоқда.