«Арсенал» бош мураббийи Арсен Венгер жамоа олдига қўйилган вазифаларни бажариш иштиёқида эканини айтди.
«Айни пайтда жамоа олдига қўйилган вазифаларни бажариш иштиёқидаман. Менинг «Арсенал»даги фаолиятим қанча муддат давом этишининг умуман аҳамияти йўқ. Натижаларимиз ёмонлашди, шу туфайли мана шу вазиятни яхшилашга бор диққат-эътиборимни қаратганман.
Ҳозирча икки ўйин захирамизда бор, бундан ташқари Англия кубоги яримфиналидамиз. Шунинг учун ҳам мавсумдаги натижаларимизга қандай баҳо берилиши, бу қийин вазиятдан қандай чиқиб кетишимизга боғлиқ» - деди Венгер beIN Sports хабарида.
