"Манчестер Сити" клуби ишончни оқламаган Клаудио Браво ўрнига бошқа дарвозабон изламоқда.
"Manchester Evening News" Португалиядаги манбага ишониб тарқатган хабарга кўра, "шаҳарликлар" "Бенфика" дарвозабони Эдерсонни қўлга киритишга яқин турибди. Бразиялик посбоннинг трансфери 30 миллион фунтни ташкил қилади.
Маълумотларга қараганда, Пеп Гвардиоланинг шахсан ўзи Эдерсоннинг билан гаплашган, "Манчестер Сити" ва "Бенфика" клублари ўзаро келишувга эришишган.
Ушбу трансферга халал бериши мумкин бўлган ягона ҳолат: Эдерсон трансфер ҳуқуқининг ярми унинг собиқ клуби — "Риу Аве"га тегишли.
23 ёшли дарвозабон ушбу мавсумда тажрибали ҳамюрти Жулио Сезар билан рақобатда ютиб чиққанини таъкидлаш лозим.