"Manchester Siti" klubi ishonchni oqlamagan Klaudio Bravo o‘rniga boshqa darvozabon izlamoqda.
"Manchester Evening News" Portugaliyadagi manbaga ishonib tarqatgan xabarga ko‘ra, "shaharliklar" "Benfika" darvozaboni Edersonni qo‘lga kiritishga yaqin turibdi. Braziyalik posbonning transferi 30 million funtni tashkil qiladi.
Ma’lumotlarga qaraganda, Pep Gvardiolaning shaxsan o‘zi Edersonning bilan gaplashgan, "Manchester Siti" va "Benfika" klublari o‘zaro kelishuvga erishishgan.
Ushbu transferga xalal berishi mumkin bo‘lgan yagona holat: Ederson transfer huquqining yarmi uning sobiq klubi — "Riu Ave"ga tegishli.
23 yoshli darvozabon ushbu mavsumda tajribali hamyurti Julio Sezar bilan raqobatda yutib chiqqanini ta’kidlash lozim.