«Наполи» бош мураббийи Маурицио Сарри Италияда йилнинг энг яхши мураббийи деб топилганидан сўнг ўз фикрларини айтди.
Бу борада ўтказилган сўровномада мутахассис 25 овоз тўплаб, «Ювентус» бош мураббийи Массимилиано Аллегрини ортда қолдиришга муваффақ бўлди.
«Ниҳоят Аллегридан ўзиб кетдим! Тўғрисини айтсам, буни кутмагандим. Одатда соврин чемпионатда ғолиб чиққан мураббийга топшириларди» - деди Сарри Tuttomercatoweb.
Эслатиб ўтамиз, «Наполи» ўтган мавсумда чемпионатни «Ювентус»дан кейин 2-ўринда якунлаган эди.