Россия Давлат думаси мусобақалар пайтида мухлисларнинг жавобгарлигини оширувчи янги қонунни қабул қилди.
Эндиликда, майдонга югуриб чиқиш, ўйингоҳларга пиротехник воситаларини олиб кириш ва улардан фойдаланиш, шунингдек ҳақоратомуз ва уят сўзларни ишлатиш, маст ҳолда ўйингоҳларга ташриф буюриш каби қоидабузарликлар учун 20 минг рубль жарима, 15 сутка маъмурий қамоқ ёки 7 йилгача спорт мусобақаларига киришни тақиқлаб қўйиш жазоси қўлланади. Агар бу тақиқ бузилган тақдирда, жарима миқдори 50 минг рублга ошади.
Худди шу жазолар хорижий мухлисларга ҳам тааллуқлидир. Қўшимча равишда уларни мамлакат ҳудудидан мажбурий равишда чиқариб юбориш жазоси ҳам қўлланиши мумкин. Агар қоидабузарликлар такроран амалга оширилса, уларни мамлакат ҳудудига кириши тақиқлаб қўйилади.
