"Манчестер Сити" бош мураббийи Хосеп Гвардиола ўзининг АПЛдаги дебют мавсуми ҳақида сўзлади.

"Мен яна кучаяман, бу аниқ. Бу мавсум мен учун сабоқ бўлди. 7-8 йиллик мавсумдан сўнг аввлгиларга қараганда бироз омадсиз мавсумнинг бўлиши нормал ҳолат. Бунақаси бўлиб туради. Бундан дарс оласан.

Мен ҳеч қачон "Барселона"да ҳам, "Бавария"да ҳам, бу ерга келишим олдидан ҳам олдиндан ҳеч нарсани билмаганман.

Мен иложи борича мослашишга ҳаракат қилганман. Бунинг уддасидан чиққанман ва ўйлайманки, биз яхшироқ бўламиз.

Назаримда ҳозирнинг ўзидаёқ яхши ўйнай бошладик, ўсишим учун бу мавсум анча қизиқарли бўлди. Мен шикоят қилмайман ва таслим бўлмайман.

Биз ёмон ўйнамадик, аммо етарли даражада яхши ўйнамадик ҳам. Ўзимизга баҳо берсак холис бўлишимиз керак. Биз чемпионлик учун курашда етарли даражада кучли ўйин қилмадик.

Аммо ҳали кўплаб гўзал нарсалар учун курашишни давом эттиришимиз мумкин. Чемпионлар лигасига йўл олиш жуда муҳим, Англия кубоги ҳам. Шунинг учун олдимизда кўп вазифа турибди, десак бўлади", - дейди Гвардиола.