"Manchester Siti" bosh murabbiyi Xosep Gvardiola o‘zining APLdagi debyut mavsumi haqida so‘zladi.

"Men yana kuchayaman, bu aniq. Bu mavsum men uchun saboq bo‘ldi. 7-8 yillik mavsumdan so‘ng avvlgilarga qaraganda biroz omadsiz mavsumning bo‘lishi normal holat. Bunaqasi bo‘lib turadi. Bundan dars olasan.

Men hech qachon "Barselona"da ham, "Bavariya"da ham, bu yerga kelishim oldidan ham oldindan hech narsani bilmaganman.

Men iloji boricha moslashishga harakat qilganman. Buning uddasidan chiqqanman va o‘ylaymanki, biz yaxshiroq bo‘lamiz.

Nazarimda hozirning o‘zidayoq yaxshi o‘ynay boshladik, o‘sishim uchun bu mavsum ancha qiziqarli bo‘ldi. Men shikoyat qilmayman va taslim bo‘lmayman.

Biz yomon o‘ynamadik, ammo yetarli darajada yaxshi o‘ynamadik ham. O‘zimizga baho bersak xolis bo‘lishimiz kerak. Biz chempionlik uchun kurashda yetarli darajada kuchli o‘yin qilmadik.

Ammo hali ko‘plab go‘zal narsalar uchun kurashishni davom ettirishimiz mumkin. Chempionlar ligasiga yo‘l olish juda muhim, Angliya kubogi ham. Shuning uchun oldimizda ko‘p vazifa turibdi, desak bo‘ladi", - deydi Gvardiola.