Германиянинг Карлсруэ шаҳрида Дортмундда амалга оширилган портлаш юзасидан матбуот анжумани ўтказилди.
Унда Германия давлат прокурори вакили Фрауке Колер журналистларнинг саволларига жавоб берди.
«Портлаш ускунасида металл бўлакчалари бўлган, яхшиямки жабрланганлар енгил жароҳат олди. Акс ҳолда оқибати бундан ҳам ёмон бўлиши мумкин эди.
Биз бу ҳаракатларни террорчиликка тенглаштирдик. Уни диний экстремистлар қилган бўлиши мумкин
Ҳозирча икки нафар гумондор устидан тергов ишлари олиб борилмоқда. Уларнинг бири ҳибсга олинди.
Портлаш натижасида бир металл бўлакчаси ўриндиқнинг бош қисмига тегди. Яхшиямки ҳеч ким жабрланмади.
Қўлланган портловчи ускуна 100 метр масофани қамраб олишга мўлжалланган эди» - деди Фрауке Колер.
