«Бавария» яримҳимоячиси Артуро Видал Чемпионлар лигасидан ўрин олган «Реал» (1:2) клубига қарши ўйиндан сўнг ўз фикрларини айтди.
Футболчи ҳисоб 1:0 бўлиб турганида пенальтини амалга оширолмаган, жамоаси эса якунда 1:2 ҳисобида ютқазган эди.
«Пенальтини уролмаганимдан афсусдаман ва жуда қаттиқ хафаман. Аммо ҳали ҳеч нарса тугамади, олдинда 90 дақиқа ўйин бор. Биз буюк жамоамиз ва ғалаба қозонишга қодирмиз. Умид қиламанки, Мадридда кейинги босқичга чиқамиз ва финалда «Ювентус» билан баҳслашамиз» - деди Видал Football Italia хабарида.
«Реал» ва «Бавария» ўртасидаги жавоб ўйини 18 апрель куни ўтказилади.
