«Бастия» клуби Франция чемпионатидан ўрин олган «Лион»га қарши ўйиндаги тартибсизликлар туфайли жиддий жазоланиши мумкин.

Ўйиндан олдин жамоа мухлислари майдонга югуриб чиқиб, «Лион» футболчиларига ҳужум қилишди. Натижада учрашувнинг бошланиш вақти 45 дақиқага кечиктирилди.

Биринчи бўлим тугагандан сўнг (0:0), тартибсизликлар яна давом этди. Бу сафар мухлисларга қўшилиб, стадион ходимлари ҳам «Лион» футболчиларига ҳужум қилишди. Натижада бош ҳакам ўйинни қолдириш ҳақида қарор қабул қилди.

Мухлисларнинг бундай қилиғига нима сабаб бўлгани ҳозирча маълум эмас. Энди жамоа Лига 1 раҳбарияти томонидан қаттиқ жазоланиши, стадиони ёпиб қўйилиши ёки чемпионатдан четлатилиши мумкин.