“Насаф” жамоаси 7-тур учрашувини Ғузорда “Обод” жамоасига қарши ўтказади.
Учрашув 22 апрел шанба куни соат 17:30да “Ғузор” марказий стадионида бўлиб ўтади.

Бу жамоаларнинг тарихида учинчи учрашуви бўлади. Ўтган йилги чемпионатда мазкур жамоалар дастлаб Қаршида, иккинчи даврада эса Тошкентда ўзаро куч синашишган. Биринчи даврада Қаршида бўлиб ўтган баҳсда Насаф 1:0 ҳисобида ғалаба қозонган. Тошкентда бўлиб ўтган учрашувда 3:0 ҳисобида ғалаба қозонган. Қаршидаги учрашувда ягона голга ҳужумчимиз Илҳом Шомуродов муаллифлик қилган эди. Тошкентда бўлиб ўтган учрашувдаги голларни Фаррух Сайфиев, Фозил Мусаев ва Драган Черан киритан. Тўплар нисбати бўйича устунлик ҳам жамоамиз томонида 4:0.

Биринчи даврадаги Қаршида бўлиб ўтган учрашув қайдномаси:
ЎзПФЛ 3-тур. 01.04.2016 й.
“Насаф” (Қарши) – “Обод” (Тошкент) 1:0 (1:0). 3335 томошабин
Қарши ш. “Марказий” стадиони, 18:00да
Гол: Илҳом Шомуродов, 43’-1:0.

Иккинчи даврадаги Тошкентда бўлиб ўтган учрашув қайдномаси:
ЎзПФЛ, 18-тур. 12.08.2016
“Обод” (Тошкент) – “Насаф” (Қарши) 0:3 (0:1)
“ЖАР” стадиони. Соат 18:00да
Голлар: Фарруҳ Сайфиев, 11’-0:1, Фозил Мусаев, 53’-0:2, Драган Черан, 66’-0:3.

Тошкентнинг “Обод” жамоаси 6 учрашувдан сўнг 5 очко тўплаб, турнир жадвалининг 14-поғонасини эгаллаб турибди. Ўтган 6-турда улар ўз майдонида “Олмалиқ” жамоасига 1:0 ҳисобида имкониятни бой беришган.

“Насаф” эса ўтган 5 учрашувдан сўнг 9 очко тўплаб, турнир жадвалининг 6-поғонасида бормоқда.

Жамоаларнинг ўринбосарлари ўртасидаги учрашув 21 апрел жума куни, “Спутник” қўрғонидаги ёшлар қароргоҳи майдонида бўлади. Учрашув соат 17:00да бошланади.