“Nasaf” jamoasi 7-tur uchrashuvini G‘uzorda “Obod” jamoasiga qarshi o‘tkazadi.
Uchrashuv 22 aprel shanba kuni soat 17:30da “G‘uzor” markaziy stadionida bo‘lib o‘tadi.

Bu jamoalarning tarixida uchinchi uchrashuvi bo‘ladi. O‘tgan yilgi chempionatda mazkur jamoalar dastlab Qarshida, ikkinchi davrada esa Toshkentda o‘zaro kuch sinashishgan. Birinchi davrada Qarshida bo‘lib o‘tgan bahsda Nasaf 1:0 hisobida g‘alaba qozongan. Toshkentda bo‘lib o‘tgan uchrashuvda 3:0 hisobida g‘alaba qozongan. Qarshidagi uchrashuvda yagona golga hujumchimiz Ilhom Shomurodov mualliflik qilgan edi. Toshkentda bo‘lib o‘tgan uchrashuvdagi gollarni Farrux Sayfiyev, Fozil Musayev va Dragan Cheran kiritan. To‘plar nisbati bo‘yicha ustunlik ham jamoamiz tomonida 4:0.

Birinchi davradagi Qarshida bo‘lib o‘tgan uchrashuv qaydnomasi:
O‘zPFL 3-tur. 01.04.2016 y.
“Nasaf” (Qarshi) – “Obod” (Toshkent) 1:0 (1:0). 3335 tomoshabin
Qarshi sh. “Markaziy” stadioni, 18:00da
Gol: Ilhom Shomurodov, 43’-1:0.

Ikkinchi davradagi Toshkentda bo‘lib o‘tgan uchrashuv qaydnomasi:
O‘zPFL, 18-tur. 12.08.2016
“Obod” (Toshkent) – “Nasaf” (Qarshi) 0:3 (0:1)
“JAR” stadioni. Soat 18:00da
Gollar: Farruh Sayfiyev, 11’-0:1, Fozil Musayev, 53’-0:2, Dragan Cheran, 66’-0:3.

Toshkentning “Obod” jamoasi 6 uchrashuvdan so‘ng 5 ochko to‘plab, turnir jadvalining 14-pog‘onasini egallab turibdi. O‘tgan 6-turda ular o‘z maydonida “Olmaliq” jamoasiga 1:0 hisobida imkoniyatni boy berishgan.

“Nasaf” esa o‘tgan 5 uchrashuvdan so‘ng 9 ochko to‘plab, turnir jadvalining 6-pog‘onasida bormoqda.

Jamoalarning o‘rinbosarlari o‘rtasidagi uchrashuv 21 aprel juma kuni, “Sputnik” qo‘rg‘onidagi yoshlar qarorgohi maydonida bo‘ladi. Uchrashuv soat 17:00da boshlanadi.