Мадриднинг “Реал” клуби ҳимоячи Серхио Рамос билан амалдаги шартномани узайтиришни режалаштирмоқда. Marca нашрининг хабарига кўра, “Реал” яқин кунларда Рамосга янги шартнома таклиф этади.
“Қироллик клуби” раҳбарияти ҳимоячи билан амалдаги шартномани 2021 йилга қадар узайтириб, жамоа сардорининг маошини оширишга тайёрликларини билдириб ўтишган.
Тахминларга кўра, Серхио Рамос билан музокара жараёни узоқ давом этмайди, чунки футболчининг ўзи “Реал”да фаолиятини якунлашини тасдиқлаганди.
Маълумот учун, Рамос жорий мавсум “Реал” таркибида 35 учрашувда майдонга тушиб, 10 та гол муаллифига айланган.
