«Рома» клуби Рамон Родригес «Мончи» билан шартнома имзолаганини эълон қилди.
48 ёшли испаниялик мутахассис клубнинг спорт директори лавозимига тайинланди. У билан 4 йиллик шартнома имзоланди.
«Рома» президенти Жеймс Паллотта ва раҳбарият аъзоларига миннатдорчилик билдираман. Бу жуда ажойиб лойиҳа. Мухлислар, ходимлар ва жамоа футболчиларини хурсанд қилиш имкониятини орзиқиб кутмоқдаман» - деди Мончи бу ҳақда.
Маълумот ўрнида, Мончи 2000 – 2017 йиллар давомида «Севилья» клубида спорт директори бўлиб ишлаган. Жамоанинг сўнгги йиллардаги катта ютуқлари айнан Мончининг номи билан боғиқ. Унинг раҳбарлигида жамоа 9 та соврин ютиб олган эди.
