Аввалроқ Futbol TV телеканалини Тошкент шаҳри ва Тошкент вилоятида иш га тушгани ҳақида хабар қилгандик.
Ўтган кунлар давомида Futbol TV телеканали сигнал қамровини кенгайтириш борасида зарур техник чора-тадбирлар давом эттирилди.
Бугун 3 май кунидан бошлаб Futbol TV телеканали Сирдарё, Бухоро, Навоий, Қашқадарё, Сурхондарё, Хоразм вилоятлари ва Қорақалпоғистон Республикасида ҳам ишга тушди.
Эндиликда Ўзбекистоннинг барча вилоятларида ҳамда Қорақалпоғистон Республикасида Futbol TV телеканалини томоша қилиш имконияти мавжуд.
Futbol TV телеканали орқали жаҳон ва Европанинг энг қизиқарли футбол учрашувлари, шунингдек, футболга оид турли кўрсатувлар мухлислар эътиборига ҳавола этиб борилади.