МТРКнинг «Спорт» телеканали Россия мезбонлигида ўтадиган футбол бўйича Конфедерациялар кубоги ўйинларини трансляция қилади.
Мазкур мусобақада ЖЧ-2018 мезбони Россия ҳамда амалдаги жаҳон чемпиони Германия қаторида, ўз қитъасининг чемпион мамлакатлари иштирок этади: Янги Зеландия, Камерун, Австралия, Мексика, Чили, Португалия.
Равшан Эрматов Конфедерациялар кубогига бош ҳакам эмас, видеотакрор бўйича ассистент бўлиб боради
Қуръага кўра, иштирокчи саккиз мамлакат икки гуруҳга бўлинган. «А» гуруҳидан Россия, Янги Зеландия, Португалия ва Мексика термалари жой олган бўлса, «B» гуруҳини Германия, Чили, Камерун ҳамда Австралия термалари ташкил қилади.
Турнирдаги биринчи учрашув 17 июнь куни Россия ҳамда Янги Зеландия термалари иштирокидаги ўйин билан старт олади. Финал учрашуви 2 июль санасида бўлиб ўтади.
