Эртага "Андижон" Термиз шаҳридаги "Алпомиш" стадионида маҳаллий "Сурхон" жамоасига қарши баҳс олиб боради.
Бўлажак учрашув олдидан эътиборингизга айрим маълумотларни тақдим этамиз.
“Сурхон” ва “Андижон” шу кунгача 24 маротаба тўқнашган келган. Устунлик “бургутлар” томонида. Андижонликлар ҳисобида 14та ғалаба бор. 6та ўйинда термизликларнинг қўли баланд келган. Қолган 4та учрашувда томонлар дурангга эришган.
Ўтказилган 24та ўйинда “Андижон” рақиб дарвозасига 54та тўп киритиб, ўз дарвозасидан 32та гол ўтказиб юборган. Умумий очколар сони “Андижон”да 46, “Сурхон”да 22.
“Андижон”нинг ўзаро ўйинлардаги энг йирик ғалабаси – 5:0. “Сурхон” да эса бу борадаги кўрсаткич - 3:1.
