Азалдан халқимиз оиланинг муҳим асоси бу фарзанд деб билади ва бола тарбиясига жиддий эътибор қаратади.

1 июнь – Халқаро болаларни ҳимоя қилиш куни. 67 йилдан буён ёзнинг илк кунида Халқаро болалар куни кенг нишонлаб келинади. Жумладан, болажон ўзбек халқи ҳам ушбу байрамни жуда кўтаринки руҳда ўтказади. Ушбу байрам муносабати билан бугун «Машъал» футбол клуби маъмурияти томонидан 2005 2006 йилларда таваллуд топган болалар ўртасида футбол фестивали ташкил этилди. Унда «Бухоро», «Сурхон», «Миришкор» ва «Машъал» жамоалари болалари иштирок этди.

Қизиқарли ва анчагина эсда қоларли бўлган баҳсларда «Машъал» БЎСМнинг 2005 2006 йилларда таваллуд топган тарбияланувчилари барча тенгқурларини мағлуб этди. Мусобоқа сўнггида «Машъал» ФК маъмурияти иштирокчиларни қимматбаҳо эсталик совғалари - «Диплом» ва «Фахрий-Ёрлиқ» лар билан тақдирлади. Шунингдек болажонларга турли хил ширинликлар - музқаймоқ, шоколад қантлар ҳамда ҳар хил турдаги ўйинчоқлар улашилди. Болалар - келажагимиз, эртанги кун умидимиздир! Шундай экан «Машъал» футбол клубида доимий равишда болаларга ана шундай меҳр мурувват кўрсатиб келинади.

Яна бир бор байрамингиз муборак бўлсин АЗИЗ БОЛАЖОНЛАР!