Azaldan xalqimiz oilaning muhim asosi bu farzand deb biladi va bola tarbiyasiga jiddiy e’tibor qaratadi.

1 iyun – Xalqaro bolalarni himoya qilish kuni. 67 yildan buyon yozning ilk kunida Xalqaro bolalar kuni keng nishonlab kelinadi. Jumladan, bolajon o‘zbek xalqi ham ushbu bayramni juda ko‘tarinki ruhda o‘tkazadi. Ushbu bayram munosabati bilan bugun «Mash’al» futbol klubi ma’muriyati tomonidan 2005 2006 yillarda tavallud topgan bolalar o‘rtasida futbol festivali tashkil etildi. Unda «Buxoro», «Surxon», «Mirishkor» va «Mash’al» jamoalari bolalari ishtirok etdi.

Qiziqarli va anchagina esda qolarli bo‘lgan bahslarda «Mash’al» BO‘SMning 2005 2006 yillarda tavallud topgan tarbiyalanuvchilari barcha tengqurlarini mag‘lub etdi. Musoboqa so‘nggida «Mash’al» FK ma’muriyati ishtirokchilarni qimmatbaho estalik sovg‘alari - «Diplom» va «Faxriy-YOrliq» lar bilan taqdirladi. Shuningdek bolajonlarga turli xil shirinliklar - muzqaymoq, shokolad qantlar hamda har xil turdagi o‘yinchoqlar ulashildi. Bolalar - kelajagimiz, ertangi kun umidimizdir! Shunday ekan «Mash’al» futbol klubida doimiy ravishda bolalarga ana shunday mehr muruvvat ko‘rsatib kelinadi.

Yana bir bor bayramingiz muborak bo‘lsin AZIZ BOLAJONLAR!