"Ювентус" бош мураббийи Массимилиано Аллегри ЕЧЛ финалида "Реал"дан учралган мағлубиятдан сўнг фикрларини билдирди.
"Ҳозир "Ювентус"нинг қандайдир эраси тугаяпти, деб ўйламайман. Буффон ва Барцальи кейинги мавсумда ҳам сафимизда бўладилар, улар ҳали бизга кўп нарса бера оладилар. Албатта, жамоа яна ўсиши керак, техника борасида янги савияга чиқиши керак.
Таътилдан сўнг ишга янги мотивация билан қайтамиз. Футбол кейинги йил ҳам уриниб кўришга имконият беради", - дейди Аллегри.
"Ювентус" ушбу мавсумда Италия чемпионати ва Кубогида ғолиб бўлди.
