Россияда бўлиб ўтадиган 2018- йилги жаҳон чемпионатига саралаш босқичи ўйинлари муносабати билан Олий лигада кичик танаффус вужудга келганди.
13-тур доирасида "Навбаҳор" 14- июнь куни "Сўғдиёна"га қарши сафарда майдонга тушади. Жиззахликларга қарши 6- июньдан тайёргарликни бошлаган Илҳом Мўминжонов шогирдлари ўйин амалиётига эга бўлиш мақсадида назорат учрашуви ўтказишади.
Мураббийлар штаби рақиб номини маълум қилди. 10- июнь куни Намангандаги "Марказий" ўйингоҳда "лочинлар"нинг Уйчининг "Хотира-79" жамоаси билан ўзаро куч синашишади. Мазкур ўйин соат 19:00да бошланади.
