Профессионал боксдаги ўнинчи жангини Флойд Мэйвезер академиясида ўтказган Шоҳжаҳон Эргашев кетма-кет ўнинчи ғалабаси ва нокаутини нишонлади, дея хабар беради SPORTS.uz.
Тожикистонлик Суннатулло Раҳматуллаев билан жанг қилган ҳамюртимиз биринчи раунднинг 50 сониясида рақибини нокаутга учратди.
Эслатиб ўтамиз, Шоҳжаҳон ушбу жангга тайёрланиш жараёнида чап қўлидан жароҳат олган эди.
- Спарринг учрашувида рақибга кучли зарба бердим ва қўлимда қаттиқ оғриқ турди, - деган эди Шоҳжахон SPORTS.uz ахборот порталига жанг олдидан. – Бунга эътибор бермай, жангни давом эттирдим. Спаррингдан сўнг қўлим шишиб кетганини кўрдим. Шифокорлар кўригида эски жароҳатим қайталаниб, қўлим синггани аниқланди. Бири неча кун гипсда юрдим. Шундан бўлса-да, олдимиздаги жангга тайёрман.
Шоҳжаҳон Эргашев SPORTS.uz ахборот порталига тез орада фаолиятида жиддий янгилик бўлишини маълум қилди.
