"Барселона" ҳужумчиси Лионель Месси каталонияликлар сафида эмас, уларнинг энг ашаддий рақиби "Реал" сафида ўйнаётган бўлиши мумкин эди.
Бу ҳақида Мессини 13 ёшида "Барселона"га олиб келган футбол агенти Орасио Гаджиоли маълум қилди.
"Шариот тақозо қилиб, Каталония пойтахтида яшайдиган бўлдим ва Леони "Барселона"га олиб келдим. Мен Испания пойтахтида яшашга ҳам жуда яқин турган эдим. Агар Мадридда яшайдиган бўлганимда, Месси "Реал"да ўйнаган бўлар эди.
Мессини аропортда кўрганимдан, ундай футболчи чиқмайди деб ўйлагандим. У жуда кичик ва нимжон эди. Тан оламан, уни кўрганимда ижобий ҳислар уйғонмаган. Аммо уни "Барса" машғулотида кўриб, унинг буюк ўйинчи эканини тушунганман", - дейди Гаджиоли.
